Es Wort, wo sech fest i mim Autag verankeret het...
Dr Anders isch nid für nüt uf der Leitere gstange und het am Baukongländer umepinslet - mi Ufgab isch de übrigens ds Male zwüsche de Scheieli gsi - sondern d Fertigstellig vom Baukon isch (ändlech) i Aagriff gno worde..
Ei Nami simer i Do-it-Lade u hei Houzlade kouft, nachdäm i mi drüber beschwärt ha, dass dr Baukon nach über 10 Jahr ging no nid fertig gsteut isch. Es het nume sone doofe schwarze Belag gha, wo souheiss isch worde und eim a de Füess kläbt het. U dinne het me när duurend chlini schwarzi Steinli gha.
 |
| Ungloublech, dass me 10 Jahr nüt dran macht... |
Gäbigerwiis heimer no Bsuech us der Schwiz erwartet und die hei scho im Vorus ihri Fröid am do-ittle bekundet (aso eifach di einti Heufti..) u so het dr Anders afa plane u rächne. I bi froh gsi, dass ig mi us däm Projekt ha chönne drushaute (i ha natürlech bestumme, wie breit di Houzladli de müesse si u weli Farb u so...) So umegäggele fingi doof und mi Maa wots ja perfekt mache u de geits eifach lenger. U di Geduld hani nid!
Auso hei sech di Zwe ads Wärk gmacht, eine dr Chef u dr anger dr Assistänt. Und es het richtig fridlech gwürkt: kes Gstürm, keni Diskussione und erstuunlecherwiss isch das Ganze nach nume zwe Arbeitstag abgschlosse gsi.. und was söui säge: I bi sehr zfride!! Itz hani ändlech e richtige Baukon woni sogar cha dusse hocke u dinne hets es Änd mit schwarze Rübeli am Bode (und im Bett)
 |
| Es isch würklech schön worde! |
Aber natürlech isches no nid ganz fertig. Me sött itz no vo usse es Brättli befestige, damits schöner usgseht und no meh Schrube aabringe. Aber dr Anders het gseit, mir müessi itz no warte dermit, wüu sech d Brätter no müesse lege.. oder irgend so öppis.
Eh, de warte mer haut...
P.S. Merci Päscu für ds do-ittle!
i gloub si wäre nid unglücklech gsi we si no meh hätte chönne mache!!!
AntwortenLöschenjo da isch aber sehr schö worde!!!
AntwortenLöschenJetzt no es Prosecco Tischli uf de Balkon und i chum nach dem Klevlax...
Mer send au wieder im Land und hend dOschtsee gnosse. SWetter isch zwar echli durzoge gsi aber shett glich gfàgt. sÄsse isch fein, dLüt nett und de Rotkäppchensekt guet. dLandschaft isch sehr schö und i gang secher wieder emoll det uffe. U jetzt was machsch eso? Ghots dr guet? Froi mi di denn gli moll wiedergseh...machs guet und gnüss de Balkon, dWöschchuechi etc.
Muntsch
ja sones proseccotischli und es bequems stüehli muessi gloub schono zuetue.. süsch geits guet danke, fröie mi scho ufe schlagerabe mit dir.. :-)
AntwortenLöschenja cool, so ferie si haut ging schön! i wär o gärn mit uf guernsey aber me het mi nid gla..
karin: di nöie projekt si ja scho bestumme..
Jo gell ... so es Tischli wär scho nett und wenn ich dich denn (endlich) moll chum go bsueche chönd mer da au richtig bruuche :-)
AntwortenLöschenJo Guernsey isch sehr schön..wer isch denn det ane?
Mer send vor öppe 6 Johr det gsi zerscht uf Jersey und denn no uf Guernsey. Mer hetts super gfalle. Muesch emol go.
Machs guet und wenn chunsch denn wieder in dSchwiiz?
Muntsch