I ha ir Ikea es Sunnesägu kouft, wüu i dänkt ha: "Super! Eifach zum montiere und gseht guet us". Leider hani denn grad nid dra dänkt, dass ig e Maa ha, wo gärn tuet bastle (me cha ihm itz o Tinkerbell säge)..
Ds Programm vo gester Nami isch gsi: d Fassade aaluege, mässe, diskutiere, achribele, meh diskutiere und luege, chli gäg links, chli höcher, nei vilech doch meh rächts, Sägu ufeha, wider abenäh, bohre, nomau ufeha... u das bi zimlech starchem Wind.. es isch super gsi!
 |
| 5cm mache mängisch e grosse Ungerschied.. |
Itz isches eifach so, dass bi mire Terrasse erstens aui Möbu nüm dert stöh, womer se vore Wuche hei häregsteut, dr Stägetritt isch entfernt worde; me gheit itz auso nach der Terrasse grad ine Tuele u stouperet müglecherwiis ono grad über di rostigi Karette. Merci! Genau so hani mir das vorgsteut!! U aus nume für nes Beton-Fundamänt, wome de d Isestange würd dristeue, wo de schlussändlech ds Sunnesägu dran agmacht wird.
 |
| "Das Leben ist eine Baustelle" oder wie isch das?! |
Eifach e Sunneschirm wär vilech gliich ono schön gsi...
zum kommentiere eifach uf "kommentare" drücke und när bi "profil auswählen" uf name/url klicke (me muess ke url iigä, nume dr name längt)
AntwortenLöschen:-D
hej, mier si ja gspannt uf d fortsetzig vom sägutörn!!! immer supiflexi blibe gaaau... ;o)
AntwortenLöschenja und ig ersch!! i haute nech aso witer ufem loufende..
AntwortenLöschenjetzt sött er der sHuus no nach dr Sunne uusrichte ... piz gloria in Klevlax.. das isch erscht dr Aafang :-)
AntwortenLöscheni hanims vorgschlage.. är hets e super idee gfunge..
AntwortenLöschen