Mir hei bi üs vorem Huus e Egge, wo mi scho lenger närvt. Me het dert mau vor Jahre Büsch pflanzt, wo an sich no schön wäre, wes a däm Ort im Summer nid ging so furztroche wär und nid im Winter meh aus 2 Meter Schnee würd druf lige... me gsehts cho: Es het öppis müesse gänderet wärde!!
E Steigarte muess dert häre. I ha di wunderbari Idee gha und es isch a ds Plane gange. Am liebste hätti ja eifach scho mau aui Pflänzli kouft, wüu i chume ja grundsätzlech a kere Gärtnerei verbii..und mir schwäbt e üppig blühende Steigarte vor, mit Chüsselipflanze und so. Nid sone trochne nume mit Grüen und Greser.
Aber zersch heimer au di Büsch usglochet und witer hinger im Garte wider verlochet, wüu ganz gstorbe si si no nid gsi.U vilech gfauts ne ja dert besser.
 | |
| so gseht d Bousteu us |
Mir hei jensti Büecher bsorgt über Steigärte und hei ds Internet dürforscht, uf der Suechi nach em korrekte Ufbou. So vo wäge Drainage und so. Eis isch klar gsi: es bruucht Chies...
 |
| Nenei, i ha eh nid wöue furt fahre mit em Outo!!! |
Mir schwant Böses!! Die Mängi Chies längt für wit meh aus nume mi Steigarte. Und i ha Rächt gha:
 |
| Es isch nid so, dass ging nume dr Anders schaffet. Aber öpper muess ja fötele.. |
Plötzlech het me vor der Hütte e Traktor, e Maa i Arbeitschleidig und es wärde Rasekante gstoche. Für ne churze Momänt isch d Idee ufcho, me chönnt ja ono grad ds Abfauhüsli entferne, dert e chli Chies drunger tue und wider häresteue. I has grad ungerbunge, süsch wird mi Steigarte nie fertig!!
Übrigens: ds Projekt Sunnesägu isch beändet (wär hätt das dänkt?!). U so gsehts us:
Übrigens: ds Projekt Sunnesägu isch beändet (wär hätt das dänkt?!). U so gsehts us:
hej, gseht ja obercool us öiers säguschiff!;o) dier sit ja plenty fliissig gsi...!!! mier müessti ja schier di nüi terasse chu teschte...;o)
AntwortenLöschensteigärtli findeni supi! gfaut mier o immer wieder. bruchsch no ä aarechemp? de chasch de mit däm chli bärndütsch plöierle...;o)
ja i chume mer vor wi imene freiwillige arbeitsiisatz! e aarechemp wär super, di fingi sowieso am schönste. bringet dri eine verbi?
AntwortenLöschenNichteli das isch ja verruckt wie Idee bi eu uusaarte tüend! Chies chasch jo immer bruuche de nöchschti Schnee chunt jo bestimmt... Aber dSuunesegel isch echt schöe cho. Das loht hoffe! Und sHuus isch au no am gliiche Ort, immerhin.
AntwortenLöschenI gseh die Finner sind gschaffig. Machs der i dr Sunne bequem und gnüess das Segel.
Muntsch sTanti
ja ja tanti, nüt mit sünnele. es rägnet zum glück! isch fang e chli troche worde hie.
AntwortenLöschenHier isch es au furztrocke und Buure jommeret (aber das tüend si jo immer ;-)) Si meldet jetzt zwar rägä am Friitig (typisch denn wo i frei ha)aber i gnüess es denn glich.
AntwortenLöschenMach der en gäbige Tag
Muntsch